ಮುಖವಾಡ..

ಮುಖವಾಡ ಹುಡುಕಿ ಹೊರಟಿರುವೆ..
ಹೊಟ್ಟೆ ಹರಿಯುವ ಹಸಿವಿಗೆ,
ತುಂಬಿರುವ ಬಸಿರೊಂದರ,
ಮುಖವಾಡ ಬೇಕಿದೆ..

ಬತ್ತಿರುವ ಗಂಟಲೊಂದಕ್ಕೆ,
ಕಡಲೊಂದರ ಮುಖವಾಡ..
ಬೆತ್ತಲೆಯ ಆ ಮಗು ದೇಹ,
ಮುಚ್ಚುವಂತಹ ಮುಖವಾಡ..

ಪಾಳು ಗುಡಿಸಲೊಂದಕ್ಕೆ,
ಟೆರಸಿನ ಮಾಳಿಗೆಯ ಮುಖವಾಡ..
ಬುಡ ಕತ್ತಲಿನ ದೀಪವೊಂದಕ್ಕೆ,
ಹೈ ವೋಲ್ಟ್ ಬಲ್ಬಿನ ಮುಖವಾಡ..

ಮುಖವಾಡ ಹುಡುಕಿ ಹೊರಟಿರುವೆ..,
ಇಲ್ಲದ ಹಲವುಗಳಿಗೆ,
ಇರುವುದರ ಮುಖವಾಡವಿಟ್ಟು,
ಜನರೆಡೆಯಲ್ಲಿ ಶೋಭಿಸಲು..
ಸತ್ಯವನ್ನು ಮರೆಮಾಚಲು..

#ತೂತು ಬಿದ್ದ ಜೋಪಡಿಯಲ್ಲಿ..

-> ಹಕೀಂ ಪದಡ್ಕ